- Album Intro
- Lyrics
- Album list
- Singer Intro
台客電力公司
-
情落深坑2023
Lyricist：柯大堡
Composer：柯大堡
Arranger：柯大堡, 陳有億
時代將兩人拆分開 社會稀微 哀怨滿天
毋甘跋落紅塵的伊 無倚無依
暗淡的月娘當時圓 恬恬問天 等無答應
猶原是茫渺的深更 硝煙四起
佇戰亂的社會 為世間人贖罪 向望有一天日子會好過
犧牲淡薄仔青春算啥貨 是你予我的鼓勵
佇戰亂的社會 為世間人贖罪 身軀內滿滿為土地的熱血
破腹換來反背 毋捌後悔 甘願為情落深坑
無望的時代當時才會當食一頓飽 亡命之徒看來嘛是為著度生活
今嘛是欲哭無聲 今嘛是枉死無名 今嘛是天公伯來看嘛毋知欲按怎
規氣 青春放乎去 無驚無代誌 起身反抗的聲音今已經響起
結拜兄弟 揪揪咧咱嘛歸陣 團結大家的志氣卡贏坐佇遐等死
(天星墜落地 命運攏黑白灰(無影無跡) 反勢早就註定 這世的命格) 毋免講予誰聽 毋免作予誰看 行出這個門 我本來對家己就無咧按算
會當笑我空 會當笑我戇 就算越頭予我一刀我嘛會當原諒
毋驚 漂浪遠洋的船隻 一定會靠岸
就算我滿身傷痕 嘛一定轉來陪你行
為世間人受罪 誤解嘛無問題 向望有一天日子會好過
犧牲淡薄仔青春算啥貨 是你放下自己的鼓勵
為世間人受罪 誤解嘛無問題 身軀內滿滿為土地的熱火
破腹換來反背 我嘛袂後悔 甘願為情落深坑
------------------------------------------
《情落深坑》Tsîng Lo̍h Tshim-khinn
柯大堡Kua Tāi-pó
時代將兩人拆分開
sî-tāi tsiong nn̄g-lâng thiah hun-khui
社會稀微
siā-huē hi-bî
哀怨滿天
ai-uàn buán-thinn
毋甘跋落紅塵的伊
m̄-kam pua̍h-lo̍h hông-tîn ê i
無倚無依
bô-uá bô-i
暗淡的月娘
àm-tām ê ge̍h-niû
當時圓
tang-sî înn
恬恬問天
tiām-tiām mn̄g thinn
等無答應
tán bô tah-ìng
猶原是
iu-guân sī
茫渺的深更
bông-biáu ê tshim-kinn
硝煙四起
siau-ian sù-khí
佇戰亂的社會
tī tsiàn-luān ê siā-huē
為世間人贖罪
uī sè-kan-lâng sio̍k-tsuē
向望有一工
ǹg-bāng ū-tsi̍t-kang
日子會好過
ji̍t-tsí ē hó-kuè
犧牲淡薄仔青春
hi-sing tām-po̍h-á tshing-tshun
算啥貨
sǹg siánn-huè
是你予我的鼓勵
sī lí hōo guá ê kóo-lē
佇戰亂的社會
tī tsiàn-luān ê siā-huē
為世間人贖罪
uī sè-kan-lâng sio̍k-tsuē
身軀內
sin-khu lāi
滿滿為土地的熱血
muá-muá uī thóo-tē ê jia̍t-hueh
破腹換來反背
phuà-pak uānn lâi huán-puē
毋捌後悔
m̄-bat hiō-hué
甘願為情落深坑
kam-guān uī tsîng lo̍h tshim-khenn
↓↓(RAP)---(RAP)---(RAP)↓↓
無望的時代
bô-bāng ê sî-tāi
當時才會當
tang-sî tsiah ē-tàng
食一頓飽
tsia̍h tsi̍t-tǹg pá
亡命之徒
bông-miā tsi tôo
Find more lyrics at ※ Mojim.com
看來嘛是
khuànn--lâi mā sī
為著度生活
uī-tio̍h tōo sing-ua̍h
這馬是欲哭無聲
tsit-má sī beh khàu bô-siann
這馬是枉死無名
tsit-má sī óng-sí bô-miâ
這馬是天公伯來看
tsit-má sī thinn-kong-peh lâi khuànn
嘛毋知欲按怎
mā m̄-tsai beh án-tsuánn
規氣青春放予去
kui-khì tshing-tshun pàng hōo khì
無驚無代誌
bô kiann bô tāi-tsì
起身反抗的聲音
khí-sin huán-khòng ê siann-im
這陣已經響起
tsín í-king hiáng khí
結拜兄弟
kiat-pài hiann-tī
招招咧
tsio-tsio--leh
咱嘛規陣
lán mā kui-tīn
團結逐家的志氣
thuân-kiat ta̍k-ke ê tsì-khì
較贏坐佇遐等死
khah-iânn tsē tī hia tán sí
天星墜落地
thinn-tshinn tuī lo̍h-tē
命運攏烏白花
miā-ūn lóng oo-pe̍h hue
無影無跡
bô-iánn-bô-tsiah
凡勢早就註定
huān-sè tsá tiō tsù-tiānn
這世的命格
tsit-sè ê miā-keh
毋免講予誰聽
m̄-bián kóng hōo siáng thiann
毋免做予誰看
m̄-bián tsò hōo siáng khuànn
行出這个門
kiânn tshut tsit ê mn̂g
我本來對家己
guá pún-lâi tuì ka-kī
就無咧按算
tiō bô teh àn-sǹg
會當笑我悾
ē-tàng tshiò guá khong
會當笑我戇
ē-tàng tshiò guá gōng
就算越頭予我一刀
tō-sǹg ua̍t-thâu hōo guá tsi̍t-to
我嘛會當原諒
guá mā ē-tàng guân-liōng
↑↑(RAP)---(RAP)---(RAP)↑↑
毋驚漂浪遠洋的船隻
m̄-kiann phiau-lōng uán-iûnn ê tsûn-tsiah
一定會靠岸
it-tīng ē khò-huānn
就算我滿身傷痕
tiō-sǹg guá muá-sin siong-hûn
嘛一定轉來陪你行
mā it-tīng tńg-lâi puê lí kiânn
為世間人受罪
uī sè-kan-lâng siū-tsuē
誤解嘛無問題
gōo-kái mā bô būn-tê
向望有一工
ǹg-bāng ū-tsi̍t-kang
日子會好過
ji̍t-tsí ē hó-kuè
犧牲淡薄仔青春
hi-sing tām-po̍h-á tshing-tshun
算啥貨
sǹg siánn-huè
是你放下自己的鼓勵
sī lí hòng-hā tsū-kí ê kóo-lē
為世間人受罪
uī sè-kan-lâng siū-tsuē
誤解嘛無問題
gōo-kái mā bô būn-tê
身軀內
sin-khu lāi
滿滿為土地的熱火
muá-muá uī thóo-tē ê jia̍t-hué
破腹換來反背
phuà-pak uānn lâi huán-puē
我嘛袂後悔
guá mā buē hiō-hué
甘願為情落深坑
kam-guān uī tsîng lo̍h tshim-khenn
- Special thanks to W.B. Chen for correcting the lyric.
- Related Links： W.B. Chen
|
