- 歌詞
- 專輯列表
- 歌手介紹
郭大誠
-
糊塗裁縫師
作詞:林秋標/郭大誠 作曲:郭大誠
我是一個快快樂樂糊塗裁縫師,新型服裝阮來設計 裁刀來剪裁,請恁來試看覓,穿著真可愛,無論是先生小姐請恁趕緊來 新潮派,新時代,工夫通人知 糊塗的裁縫師。
口白:來來來,小弟姓胡名塗,全省通人知, 我是有名的裁縫師。
彼當時梁山伯和祝英台,草茅相結拜,所穿的服裝是對叨來? 嘿嘿嘿 也是小弟去給伊剪給伊裁,不信恁挺好去問伊看覓。
當今二十一世紀的新時代流行是新潮派,查某囝仔的裙, 講著愈短才會愈可愛, 但是穿迷氣裙尚驚做風颱,所以迷地和迷嬉裙, 才會馬上流行全世界。
話又講倒返來,不是我在漏下骸,頂日仔去遇著一個做戲的演員, 找對我這來,拿一塊花布叫我就給伊剪給伊裁, 講裕做一套奸臣的服裝穿去上舞台,叫我著加伊做較可愛,而且工錢講欲清清采采,
啊好哇!你加會清采,我嗎清清采采給你剪擱給你裁, 無十分鐘久, 都加做到真可愛。 有一日, 伊穿我所做的服裝去上舞臺, 馬勢一吓排,哎~哭爸呀~ 褲底逐離西西!台下的觀眾看一挒笑嗨嗨,有的笑得攬肚臍。 呀不擱導演在後台,感覺真奇怪,探頭出來看覓,哎哎按呢欲那會使, 趕緊叫一個秀才, 臨時出去請伊入來,秀才出場就大聲哀:「哎呀!啟稟相爺,皇上有旨,命你速速回朝,
彼個時袸的奸臣仔感覺大奇怪,呀這場戲著不是你應該要上台,因何你那會加我走出來, 啊彼個時袸開嘴就問秀才:「有何貴事,快快奏來」秀才:「啟稟相爺,嗯!城下和尚來做歹, 捨世捨眾不應該,皇上命你掠來殺,請你低頭來看覓。 」彼個時袸的奸臣就按呢趕緊測一個馬勢: 「帶我觀來,啊呀大事不妙了, 左右啊, 褲底離西西,快快下後台......」 嘿嘿嘿,這攏是小弟不才所做的服裝在咧作怪,可見我的手藝昧醜,
看你要外清采外可愛,不信請恁來定做看覓, 啊就是為著按呢, 大家不才攏叫我是糊塗的裁縫師!
我是一個快快樂樂糊塗裁縫師,新型服裝阮來設計 裁刀來剪裁,請恁來試看覓,穿著真可愛,無論是先生小姐, 請恁趕緊來 新潮派,新時代, 工夫通人知,糊塗的裁縫師
-------------------------------------------
作詞:林秋標/郭大誠 作曲:郭大誠
《糊塗裁縫師》 郭大誠 Kueh Tāi-sîng
阮是一個快快樂樂 gún sī tsi̍t-ê khuài-khuài-lo̍k-lo̍k 糊塗裁縫師 hôo-tôo tshâi-hông-sai 新型服裝 sin-hîng ho̍k-tsong 阮來設計 gún lâi siat-kè 裁刀來剪裁 tshâi-to lâi tsián-tshâi
請恁來試看覓 tshiánn lín lâi tshì-khuànn-māi 穿著真可愛 tshīng tio̍h, tsin khó-ài 無論是先生小姐 bô-lūn sī sian-sinn sió-tsiá 請恁趕緊來 tshiánn lín kuánn-kín lâi
新潮派 sin tiâu-phài 新時代 sin sî-tāi 工夫通人知 kang-hu thong-lâng tsai 糊塗的裁縫師 hôo-tôo ê tshâi-hông-sai
↓↓(口白)---(口白)---(口白)↓↓ 來來來 lâi, lâi, lâi 小弟姓胡名塗 sió-tī sìnn Ôo miâ Thôo 全省通人知 tsuân-síng thong-lâng tsai 我是有名的裁縫師 guá sī iú-miâ ê tshâi-hông-sai
彼當時梁山伯佮祝英台 hit-tang-sî Niû San-pik kah Tsiok Ing-tâi 草茅相結拜 tsháu-mâu sio kiat-pài 所穿的服裝 sóo tshīng ê ho̍k-tsong 是對佗來 sī tuì toh lâi
嘿嘿嘿嘿 heh heh heh heh 就是小弟 tsiū-sī sió-tī 去共伊剪共伊裁 khì kā-i tsián kā-i tshâi 毋信恁聽好去問伊看覓 m̄ sìn, lín thìng-hó khì mn̄g i khuànn-māi
當今二十世紀的新時代 tong-kim jī-tsa̍p sè-kí ê sin sî-tāi 流行是新潮派 liû-hîng sī sin tiâu-phài 查某囡仔的裙 tsa-bóo gín-á ê kûn 講著愈短 kóng-tio̍h jú té 才會愈可愛 tsiah-ē jú khó-ài
但是穿迷你裙 tān-sī tshīng bê-lí-kûn 是上驚做風颱 sī siōng kiann tsò-hong-thai 所以迷地佮迷膝裙 sóo-í bê-tē kah bê-sit-kûn 才會馬上流行全世界 tsiah-ē má-siōng liû-hîng tsuân-sè-kài
話講倒轉來 uē kóng tò-tńg--lâi 毋是我咧落下頦 m̄-sī guá teh làu-ē-hâi 頂日仔 tíng-ji̍t-á 去遇著一個做戲的演員 khì gū-tio̍h tsi̍t-ê tsò-hì ê ián-uân 揣對我遮來 tshē tuì guá tsia lâi
剪一塊花仔布 tsián tsi̍t-tè hue-á-pòo 講叫我著共伊剪共伊裁 kóng kiò guá tio̍h kā-i tsián kā-i tshâi
講欲做一套 kóng beh tsò tsi̍t-thò 奸臣仔的服裝 kan-sîn-á ê ho̍k-tsong 穿去上舞台 tshīng khì tsiūnn bú-tâi
叫我著共伊做甲可愛 kiò guá to̍h kā-i tsò kah khó-ài 而且工錢 更多更詳盡歌詞 在 ※ Mojim.com 魔鏡歌詞網 jî-tshiánn kang-tsînn 講欲凊凊彩彩 kóng beh tshìn-tshìn-tshái-tshái
啊好啊! Ah hó--ah! 你敢若會凊彩 lí kánn ē tshìn-tshái 我嘛凊凊彩彩 guá mā tshìn-tshìn-tshái-tshái 共你剪共你裁 kā lí tsián, kā lí tshâi
無十分鐘久 bô tsa̍p hun-tsing kú 就共做甲真可愛 tō kā tsò kah tsin khó-ài
有一日 ū-tsi̍t-ji̍t 伊穿我做的服裝 i tshīng guá tsò ê ho̍k-tsong 去上舞臺 khì tsiūnn bú-tâi 馬勢一下排 bé-sè tsi̍t-ē pâi
哇!哭爸矣 uah! khàu-pē--ah 褲底煞裂西西 khòo-té suah li̍h-sai-sai 臺跤的觀眾 tâi-kha ê kuan-tsiòng 看一下笑咍咍 khuànn tsi̍t-ē tshiò-hai-hai 有的笑甲攬肚臍 ū-ê tshiò kah lám tōo-tsâi
猶毋過導演的在後臺 iáu-m̄-koh tō-ián--ê tsāi āu-tâi 感覺真奇怪 kám-kak tsin kî-kuài 探頭出來看覓 tham-thâu tshut-lâi khuànn-māi
哎哎!按呢欲哪會使 aih-aih! án-ne beh ná ē-sái 趕緊叫一個秀才 kuánn-kín kiò tsi̍t-ê siù-tsâi 臨時出去請伊入來 lîm-sî tshut-khì tshiánn i ji̍p-lâi
秀才出場就大聲哀: siù-tsâi tshut-tiûnn tiō tuā-siann ai: 啟稟相爺 khé-pín siòng-iâ 皇上有旨 hông-siōng iú tsí 命你速速回朝 bīng lí sok-sok huê-tiâu
彼個時陣的奸臣仔 hit-ê sî-tsūn ê kan-sîn-á 感覺大奇怪: kám-kak tuā kî-kuài:
啊這場戲 ah tsit-tiûnn hì 都毋是你應該愛上臺 tio m̄-sī lí ìng-kai ài tsiūnn-tâi 因何你哪會共我走出來 in-hô lí ná ē kā guá tsáu--tshut-lâi
啊彼個時陣 ah hit-ê sî-tsūn 開喙就問秀才: khui-tshuì tiō mn̄g siù-tsâi : 有何貴事 iú hô kuì-sū 快快奏來 khuài-khuài tsàu--lâi
秀才: siù-tsâi: 啟稟相爺 khé pín siòng-iâ 城下和尚來做歹 siânn-hā huê-siūnn lâi tsuè-pháinn 卸世卸眾不應該 sià-sì-sià-tsìng put ìng-kai 皇上命你掠來刣 hông-siōng bīng lí lia̍h-lâi thâi 請你低頭來看覓 tshiánn lí ti-thiô lâi khuànn-māi
彼個時陣的奸臣 hit-ê sî-tsūn ê kan-sîn 就按呢趕緊 tsū-án-ne kuánn-kín 促一個馬勢: tshik tsi̍t-ê bé-sè: 待我觀來 thāi ngóo kuan--lâi
啊呀大事不妙了 ah-iah! tāi-sū put-miāu--liáu 左右啊 tsó-iū--ah 褲底裂西西 khòo-té li̍h-sai-sai 快快入後臺啊 khuài-khuài ji̍p āu-tâi--ah
嘿嘿嘿嘿 heh, heh, heh, heh 這攏是小弟不才 tse lóng-sī sió-tī put-tsâi 所做的服裝 sóo tsò ê ho̍k-tsong 佇咧作怪 tī-leh tsok-kuài 可見我的手藝袂䆀 khó-kiàn guá ê tshiú-gē buē-bái
看恁欲偌凊彩偌可愛 khuànn lín beh guā tshìn-tshái, guā khó-ài 毋信請恁來定做看覓 m̄ sìn, tshiánn lín lâi tīng-tsò khuànn-māi
啊就是為了按呢 ah tiō-sī uī-liáu án-ni 逐家毋才攏叫我 ta̍k-ke m̄-tsiah lóng kiò guá 是糊塗的裁縫師 sī hôo-tôo ê tshâi-hông-ai ↑↑(口白)---(口白)---(口白)↑↑
阮是一個快快樂樂 gún sī tsi̍t-ê khuài-khuài-lo̍k-lo̍k 糊塗裁縫師 hôo-tôo tshâi-hông-sai 新型服裝 sin-hîng ho̍k-tsong 阮來設計 gún lâi siat-kè 裁刀來剪裁 tshâi-to lâi tsián-tshâi
請恁來試看覓 tshiánn lín lâi tshì-khuànn-māi 穿著真可愛 tshīng tio̍h, tsin khó-ài 無論是先生小姐 bô-lūn sī sian-sinn sió-tsiá 請恁趕緊來 tshiánn lín kuánn-kín lâi
新潮派 sin tiâu-phài 新時代 sin sî-tāi 工夫通人知 kang-hu thong-lâng tsai 糊塗的裁縫師 hôo-tôo ê tshâi-hông-sai
- 感謝 W.B. Chen 修正歌詞
- 友站連結: W.B. Chen
|