- 专辑介绍
- 歌词
- 专辑列表
- 歌手介绍
曾玮中
-
出境
作词:曾玮中 作曲:曾玮中 编曲:丁天牧
各位旅客恁好,感谢恁乘坐人生航空公司,前往后世人的班机。 咱诚紧就欲起飞啊,请縖好安全带。 若有任何需要,请向服务人员反映来为恁服务,多谢。
所有祝福 是我最后行李 所有恩怨 到遮就暂时停止 踏上旅程 难免淡薄仔伤悲 从今开始 请将我囥伫心内面
其实我毋甘离开 离开我上爱的你 毋通阁伤心 请你好好保重自己 其实我毋甘离开 离开上爱我的你 千万著毋通袂记 爱平安快乐过日子
各位旅客,咱这马伫咧回忆的顶头, 恁会当看对窗仔外,绁落来咱会经过恁过去的一生, 包括恁的青春,恁的光彩,犹阁有恁的遗憾。
越头看过去 偌济话袂赴讲出喙 欠谁的一句我爱你 一句对不起 若是有一工 咱伫梦中相见 请将我揽絚絚 安慰我的挂意
呜~我欲来离开 离开我上爱的你 毋甘你伤心 爱有笑容敢有听见 喔~我欲来离开 离开上爱我的你 望你著早日惯势 无我陪身边的日子
半梦半醒 目睭沓沓褫开 头壳敧敧 这班机已经到位 喘一口气 欶著淡薄啊空虚 无人伫身边 只有面顶两逝泪
各位旅客恁好,本班机已经到位啊,所有的一切到遮已经圆满。 请毋通袂记得恁随身的行李,机长伫遮代表人生航空公司感谢恁的乘坐, 向望恁会当有一段全新、美满的人生,多谢。
------------------------------------------
5976/《出境》Tshut-kíng 曾玮中Tsan Uí-tiong
↓↓(口白)---(口白)---(口白)↓↓ 各位旅客恁好 kok-uī lú-kheh lín hó 感谢恁乘坐人生航空公司 kám-siā lín sîng-tsē jîn-sing hâng-khong kong-si 前往后世人的班机 tsiân-óng āu-sì-lâng ê pan-ki 咱诚紧就欲起飞啊 lán tsiânn kín tiō beh khí-pue--ah 请縖好安全带 tshiánn hâ hó an-tsuân-tuà 若有任何需要 nā ū jīm-hô su-iàu 请向服务人员反映 tshiánn hiòng ho̍k-bū jîn-uân huán-ìng 来为恁服务 lâi uī lín ho̍k-bū 多谢 to-siā ↑↑(口白)---(口白)---(口白)↑↑
所有祝福 sóo-ū tsiok-hok 是我最后行李 sī guá tsuè-āu hîng-lí 所有恩怨 sóo-ū un-uàn 到遮就暂时停止 kàu tsia tiō tsiām-sî thîng-tsí 踏上旅程 ta̍h siōng lú-thîng 难免淡薄仔伤悲 lân-bián tām-po̍h-á siong-pi 从今开始 tsiông-kim khai-sí 请将我囥伫心内面 tshiánn tsiong guá khǹg tī sim-lāi-bīn
其实我毋甘离开 kî-si̍t guá m̄-kam lī-khui 离开我上爱的你 lī-khui guá siōng ài ê lí 毋通阁伤心 m̄-thang koh siong-sim 请你好好保重自己 tshiánn lí hó-hó pó-tiōng tsū-kí
其实我毋甘离开 kî-si̍t guá m̄-kam lī-khui 离开上爱我的你 lī-khui siōng ài guá ê lí 更多更详尽歌词 在 ※ Mojim.com 魔镜歌词网 千万著毋通袂记 tshian-bān tio̍h m̄-thang buē-kì 爱平安快乐过日子 ài pîng-an khuài-lo̍k kuè ji̍t-tsí
↓↓(口白)---(口白)---(口白)↓↓ 各位旅客 kok-uī lú-kheh 咱这马伫咧回忆的顶头 lán tsit-má tī-leh huê-ik ê tíng-thâu 恁会当看对窗仔外 lín ē-tàng khuànn tuì thang-á-guā 绁落来 suà--lo̍h-lâi 咱会经过恁过去的一生 lán ē king-kuè lín kuè-khì ê it-sing 包括恁的青春 pau-kuat lín ê tshing-tshun 恁的光彩 lín ê kong-tshái 犹阁有恁的遗憾 iáu-koh ū lín ê uî-hām ↑↑(口白)---(口白)---(口白)↑↑
越头看过去 ua̍t-thâu khuànn--kuè-khì 偌济话袂赴讲出喙 guā-tsuē uē buē-hù kóng tshut-tshuì 欠谁的一句我爱你 khiàm siáng ê tsi̍t-kù guá ài lí 一句对不起 tsi̍t-kù tuì-put-khí 若是有一工 nā-sī ū tsi̍t-kang 咱伫梦中相见 lán tī bāng-tiong sann-kìnn 请将我揽絚絚 tshiánn tsiong guá lám ân-ân 安慰我的挂意 an-uì guá ê kuà-ì
因为我欲来离开 in-uī guá beh lâi lī-khui 离开我上爱的你 lī-khui guá siōng ài ê lí 毋甘你伤心 m̄-kam lí siong-sim 爱有笑容 ài ū tshiò-iông 敢有听见 kám ū thiann-kìnn
喔~我欲来离开 ooh~ guá beh lâi lī-khui 离开上爱我的你 lī-khui siōng ài guá ê lí 望你著早日惯势 bāng lí tio̍h tsá-ji̍t kuàn-sì 无我陪身边的日子 bô guá puê sin-pinn ê ji̍t-tsí
半梦半醒 puànn-bāng puànn-tshínn 目睭沓沓褫开 ba̍k-tsiu ta̍uh-ta̍uh thí-khui 头壳敧敧 thâu-khak khi-khi 这班机已经到位 tsit pan ki í-king kàu-uī 喘一口气 tshuán tsi̍t-kháu-khuì 欶著淡薄仔空虚 suh tio̍h tām-po̍h-á khang-hi 无人伫身边 bô-lâng tī sin-pinn 只有面顶两逝泪 tsí-ū bīn-tíng nn̄g-tsuā luī
↓↓(口白)---(口白)---(口白)↓↓ 各位旅客恁好 kok-uī lú-kheh lín hó 本班机已经到位矣 pún pan-ki í-king kàu-uī--ah 所有的一切到遮已经圆满 sóo-ū ê it-tshè kàu tsia í-king uân-buán 请毋通袂记得恁随身的行李 tshiánn m̄-thang buē-kì-tit lín suî-sin ê hîng-lí 机长伫遮代表人生航空公司 ki-tiúnn tī tsia tāi-piáu jîn-sing hâng-khong kong-si 感谢恁的乘坐 kám-siā lín ê sîng-tsē 向望恁会当有一段 ǹg-bāng lín ē-tàng ū tsi̍t-tuānn 全新美满的人生 tsuân-sin bí-buán ê jîn-sing 多谢 to-siā ↑↑(口白)---(口白)---(口白)↑↑
- 感谢 W.B. Chen 修正歌词
- 友站连结: W.B. Chen
|