- 歌词
- 专辑列表
劳动服务
-
阮住伫艋舺 (We live in Monga)
作词:林家鸿、尤智毅 作曲:林家鸿 编曲:柯智豪 Blaire Ko
阮住伫艋舺 正港的老台北 凯达格兰 所讲的小船仔 生理人 位清朝开始来到遮 商业大城 顶港有名声
同安 三邑人 不时相拍相嚷 一边拜城隍 一边拜青山王 顶郊下郊抢地盘 杀佮掠狂 煞去牵拖着 安溪的祖师公
港仔尾 是阮生长的角头 西园国小 万中 是我的母校 麻竹豆菜 品质乎人会頕头 加蚋仔公学校 野球是上介敖
老师定定佮阮讲 东区较进步 人的囝仔三不五时就出国去憩陶 阮同学 逐工下课拢去庙仔憩陶 人伫补英语 尹伫阵头学撞鼓
一府二鹿三艋舺 台北的起头拢伫这 时代按怎变化阮无伫惊 带着传统文化向前行
民主圣地的称呼 阮感觉骄傲 Nylon先生伫这 发起绿色行动 政治犯的血 崁伫溪边彼堆土 人权 绝对袂当搁行回头路
都市翻新 红瓦厝变作大楼 更多更详尽歌词 在 ※ Mojim.com 魔镜歌词网 旧地图跟庙会界定古早的庄头 过去的冤仇 化解伫个大拜拜 早就无人伫计较 谁慢到谁先来
现此时艋舺大道 古早是铁枝路 日本式的老车头 已经揣无 大理街店仔拢伫卖衫仔裤 社区意识 保存了老糖厂的仓库
阮第一摆唸歌表演伫西门町 巷仔内壁面 艺术家的喷漆作品 电影公园内底dj放著老唱片 B-boy尬舞 随时拢会当开始
一府二鹿三艋舺 台北的起头拢伫这 时代按怎变化阮无伫惊 带着传统文化向前行
We live in 艋舺 baby 台北的Brooklyn baby We live in 艋舺 baby 台北的Brooklyn baby
谁讲台北城 拢无人情味 欢迎来这 走揣古城的滋味 青年公园 听三叔公唸歌诗 龙山寺口 佮欧吉桑讲政治
老社区的价值 等阮来发现 毋是一直起新厝 较叫作发展 文化的资源 予人会欣羡 大声讲出我是艋舺人 毋免歹势
-
|