- Album Intro
- Lyrics
- Album list
打狗亂歌團
-
月光下
Lyricist:嚴詠能 Composer:邱幸儀 Arranger:王俊傑
大廟庭 看老戲班 密置阿嬤ㄟ雨傘下 亭ㄚ腳ㄟ 甘ㄚ店 討五角銀換糖柑ㄚ 隨阿母 來爆米香 吃了平安高大漢 月光下 想欲大漢
有一天阿爸送阮動輪車 招阿兄四界騎
放風吹寫情批 送乎同窗ㄟ一蕊花 (太子龍ㄟ學生杉 穿置身軀上界龐---第二次)
仰望有一天嘛也當 學阿姐作青春夢 (等待學校ㄟ新生活 隨著先生ㄟ腳步行---第二次)
月光下 慢慢ㄚ夢 (月光下 自由行---第二次)
一放雞 二放鴨 三分開 四相疊 猶原會記著 月光下 心適來快活 點盒仔 點水缸 點到你就爛腳瘡 彼段愛哭愛隨路 約束要永遠作伴 酸酸ㄟ彼條歌....置月光下
------------------------------------------
12791/《月光下》Gue̍h-kng Hā 嚴詠能Giâm Īng-lîng
↓↓---(童聲)---↓↓ 一放雞 it pàng ke 二放鴨 jī pàng ah 三分開 sann hun-khui 四相疊 sì sio-tha̍h 五搭胸 gōo tah hing 六拍手 la̍k phah tshiú 七圍牆 tshit uî tshiûnn 八摸鼻 peh bong phīnn 九搝耳 káu giú hīnn 十抾起 tsa̍p khioh khí ↑↑---(童聲)---↑↑
大廟埕 tuā biō-tiânn 看老戲班 khuànn lāu hì-pan 覕佇阿婆的雨傘跤 bih tī a-pô ê hōo-suànn kha 亭仔跤的𥴊仔店 tîng-á-kha ê kám-á-tiàm 討五角銀 thó gōo-kak gîn 換糖含仔 uānn thn̂g-kâm-á 綴阿母 tuè a-bú 來磅米芳 lâi pōng-bí-phang 食了平安𠢕大漢 tsia̍h liáu pîng-an gâu tuā-hàn 月光下 gue̍h-kng hā 想欲大漢 siūnn-beh tuā-hàn
有一工 ū tsi̍t-kang 阿爸送阮動輪車 a-pah sàng gún tōng-lián-tshia 招阿兄四界騎 tsio a-hiann sì-kè khiâ 放風吹寫情批 pàng hong-tshue siá tsîng-phue 送予同窗的一蕊花 sàng hōo tông-tshong ê tsi̍t-luí hue 向望有一工 Find more lyrics at ※ Mojim.com ǹg-bāng ū-tsi̍t-kang 嘛會當學阿姊 mā ē-tàng o̍h a-tsí 做青春夢 tsuè tshing-tshun bāng 月光下 gue̍h-kng hā 慢慢仔夢 bān-bān-á bāng
一放雞 it pàng ke 二放鴨 jī pàng ah 三分開 sann hun-khui 四相疊 sì sio-tha̍h 猶原會記得 iu-guân ē-kì-tsit 月光下 gue̍h-kng hā 心適來快活 sim-sik lâi khuìnn-ua̍h
點盒仔 tiám a̍p-á 點水缸 tiám tsuí-kng 點著你就爛尻川 tiám tio̍h lí tiō nuā kha-tshng 彼段愛哭愛綴路 hit tuānn ài-khàu ài tuè-lōo 約束欲永遠做伴 iok-sok beh íng-uán tsuè-phuānn 酸酸的彼條歌 sng-sng ê hit tiâu kua
有一工 ū tsi̍t-kang 阿爸送阮動輪車 a-pah sàng gún tōng-lián-tshia 招阿兄四界騎 tsio a-hiann sì-kè khiâ 太子龍的學生衫 Tàizǐlóng ê ha̍k-sing-sann 穿佇身軀 tshīng tī sin-khu 上蓋奅 siōng-kài phānn 等待學校的新生活 tán-thāi ha̍k-hāu ê sin sing-ua̍h 綴著先生的跤步行 tuè tio̍h sian-sinn ê kha-pōo kiânn 月光下 gue̍h-kng hā 自由行 tsū-iû kiânn
一放雞 it pàng ke 二放鴨 jī pàng ah 三分開 sann hun-khui 四相疊 sì sio-tha̍h 猶原會記得 iu-guân ē-kì-tsit 月光下 gue̍h-kng hā 心適來快活 sim-sik lâi khuìnn-ua̍h
點盒仔 tiám a̍p-á 點水缸 tiám tsuí-kng 點著你就爛尻川 tiám tio̍h lí tiō nuā kha-tshng 彼段愛哭愛綴路 hit tuānn ài-khàu ài tuè-lōo 約束欲永遠做伴 iok-sok beh íng-uán tsuè-phuānn 酸酸的彼條歌 sng-sng ê hit tiâu kua ---
嗯~佇月光下 ngh~ tī gue̍h-kng hā
- Special thanks to W.B. Chen for correcting the lyric.
- Related Links: W.B. Chen
|