- 專輯介紹
- 歌詞
- 專輯列表
- 歌手介紹
裝咖人
-
林秀媚
作詞：張嘉祥
作曲：張嘉祥、朱雨民
編曲：朱雨民
天 已經清光光 你 前跤踏出門
講今日當好時 招阮出門散散心
我想無 哪會毋綴你來去？
你敢有 閣來的清光的日子
寒天水冷清清 厝內只有阮精神
三千箍 我已經還 米嘛有夠用
你轉來彼一工 阮䖙(thenn)佇眠床頂
神明廳紅赤赤 厝後一陣一陣
天是清光 日是好日 是哭阮是哭阮
你跍佇遐啊 毋願起身啊 一陣一陣
觀音(im)菩薩救苦救難 踅矣踅 轉矣轉
你轉來彼一工 倒佇四人扛的床
神明廳黑嘛嘛 厝內一陣一陣
天是清光 日是好日 是哭阮是哭阮
阮跍佇遐啊 毋願起身啊 一陣一陣
觀音菩薩救苦救難 踅矣踅 轉矣轉
轉來厝內 揣囝兒序細 看亻因睏佇眠床
拜請拜請
拜請觀音菩薩 拜請文殊菩薩
拜請地藏菩薩 拜請拜請
拜請嘉義盧炳欽 安心放下保萬民
厝內序細攏平靜 目屎袂落林秀媚
有時你會哭規暝(mî) 有時你會坐桌頂
等亻因彼工攏落去 菩薩面前講予明
拜請陳澄波(tîng-pho) 拜請蔡鐵城
拜請盧炳欽 拜請拜請 退駕
華文版：
天已經亮光光，你前腳剛踏出門。說今天是個好日子，找我一起出門散步散心。我想不懂，為什麼當時我不答應你？跟你去呢？你還會有未來明亮的日子嗎？寒天裡水冷清清，家裡現在只有我清醒，三仟塊我已經還了，家裡的米現在也夠用。你回來的那一天，我躺在床上，神明廳紅光赤赤，家後院傳來你一陣一陣的哭聲。天已經明亮，也是個好天氣，我想了想，昨天夜裡你是在為我們哭泣吧？你蹲在那裡，不願起身，一陣一陣的哭聲。觀音菩薩啊，救苦救難，佛珠轉啊轉，繞啊繞。
你回來的那一天，躺在四個人抬的床上，家裡的神明廳已經請下來，赤紅的燈不再長明，一片漆黑，家裡是為了你傳來一陣又一陣的哭聲。天已經明亮，也是個好天氣，我本來想堅強不落淚，眼淚還是從我眼睛裡流出來，我蹲在那裡，一時沒辦法起身，一陣一陣的哭泣聲。觀音菩薩啊，救苦救難，佛珠轉啊轉，繞啊繞。
回來家裡看看吧，看看父母小孩和我呀，看他們在床上睡著的樣子。拜請觀音菩薩、拜請文殊菩薩、拜請地藏菩薩讓你一路平安。
拜請嘉義盧炳欽，安心放下保萬民，家裡一切都平靜，眼淚不會掉落在林秀眉，有時你會哭整晚，有時你會坐桌上，等他們(加害者)有天都下去了，菩薩面前我們一一來說清楚是非曲直。
拜請陳澄波 拜請蔡鐵城
拜請盧炳欽 拜請拜請
------------------------------------------
19610/《林秀媚》Lîm Siù-bī
裝咖人Tsng-kha-lâng
↓↓(口白)---(口白)---(口白)↓↓
阿欽仔
A-khim-á
我知影
guá tsai-iánn
你是袂閣轉來矣
lí sī bē koh tńg--lâi ah
我有聽著
guá ū thiann-tio̍h
你佇厝外哭規暝的聲
lí tī tshù-guā khàu kui-mî ê siann
彼工你轉來
hit-kang lí tńg--lâi
規身軀全全血
kui-sin-khu tsuân-tsuân hueh
胸坎的血空
hing-khám ê hueh-khang
足驚人的
tsiok kiann-lâng--ê
你覆佇桌仔頂咧哭
lí phak tī toh-á-tíng teh khàu
彼陣我就知影
hit-tsūn guá tō tsai-iánn
你袂閣轉來矣
lí bē koh tńg--lâi ah
咱的屘囝
lán ê ban-kiánn
有一暗共我講
ū tsi̍t-àm kā guá kóng
看著阿爸
khuànn-tio̍h a-pah
徛佇蠓罩外口
khiā tī báng-tà guā-kháu
彼陣我閣較知影
hit-tsūn guá koh-khah tsai-iánn
你是永遠永遠
lí sī íng-uán íng-uán
袂閣轉來矣
bē koh tńg--lâi--ah
↑↑(口白)---(口白)---(口白)↑↑
天
thinn
已經清光光
í-king tshing kng-kng
你
lí
前跤踏出門
tsîng-kha ta̍h tshut-mn̂g
講今日當好時
kóng kim-ji̍t tng hó-sî
招阮出門散散心
tsio gún tshut-mn̂g suànn-suànn-sim
我想無
guá siūnn-bô
哪會毋綴你來去
ná ē m̄ tuè lí lâi-khì
你敢有
lí kám ū
閣來的清光的日子
koh-lâi ê tshing-kng ê ji̍t-tsí
寒天水冷清清
kuânn-thinn tsuí líng tshing-tshing
厝內只有阮精神
tshù-lāi tsí-ū gún tsing-sîn
三千箍
sann-tshing khoo
我已經還
guá í-king hîng
米嘛有夠用
bí mā ū-kàu īng
你轉來彼一工
lí tńg--lâi hit-tsi̍t-kang
阮䖙佇眠床頂
gún the tī bîn-tshn̂g-tíng
神明廳紅赤赤
sîn-bîng-thiann âng tshiah-tshiah
厝後一陣一陣
tshù-āu tsi̍t-tsūn-tsi̍t-tsūn
天是清光啊
thinn sī tshing-kng--ah
日是好日
ji̍t sī hó-ji̍t
是哭阮
sī khàu gún
是哭阮
sī khàu gún
你跍佇遐啊
lí khû tī hia--ah
毋願起身啊
m̄-guān khí-sin--ah
一陣一陣
tsi̍t-tsūn-tsi̍t-tsūn
一陣一陣
tsi̍t-tsūn-tsi̍t-tsūn
觀音菩薩
Kuan-im Phôo-sat
救苦救難
kiù-khóo kiù-lān
踅啊踅
se̍h--ah se̍h
轉啊轉
tńg--ah tńg
你轉來彼一工
lí tńg--lâi hit-tsi̍t-kang
倒佇四人扛的床
tó tī sì-lâng kng ê tshn̂g
神明廳烏嘛嘛
sîn-bîng thiann oo-mà-mà
厝內一陣一陣
tshù-lāi tsi̍t-tsūn-tsi̍t-tsūn
天是清光啊
thinn sī tshing-kng--ah
日是好日
ji̍t sī hó-ji̍t
是哭阮
sī khàu gún
是哭阮
sī khàu gún
阮跍佇遐啊
gún khû tī hia--ah
毋願起身啊
m̄-guān khí-sin--ah
一陣一陣
tsi̍t-tsūn-tsi̍t-tsūn
一陣一陣
tsi̍t-tsūn-tsi̍t-tsūn
觀音菩薩
Kuan-im Phôo-sat
救苦救難
kiù-khóo kiù-lān
踅啊踅
se̍h--ah se̍h
轉啊轉
tńg--ah tńg
轉來厝內
tńg-lâi tshù-lāi
揣囝兒序細
tshuē kiánn-jî sī-sè
看怹睏佇眠床
khuànn in khùn tī bîn-tshn̂g
拜請拜請
pài-tshiánn pài-tshiánn
拜請觀音菩薩
pài-tshiánn Kuan-im Phôo-sat
拜請拜請
更多更詳盡歌詞 在 ※ Mojim.com 魔鏡歌詞網
pài-tshiánn pài-tshiánn
拜請文殊菩薩
pài-tshiánn Bûn-su Phôo-sat
拜請拜請
pài-tshiánn pài-tshiánn
拜請地藏菩薩
pài-tshiánn Tē-tsông Phôo-sat
拜請拜請拜請
pài-tshiánn pài-tshiánn pài-tshiánn
拜請嘉義盧鈵欽
pài-tshiánn Ka-gī Lôo Píng-khim
安心放下保萬民
an-sim pàng-hā pó bān-bîn
厝內序細攏平靜
tshù-lāi sī-sè lóng pîng-tsīng
目屎袂落林秀媚
ba̍k-sái buē lo̍h Lîm Siù-bī
有時你會哭規暝
ū-sî lí ē khàu kui-mî
有時你會坐桌頂
ū-sî lí ē tsē toh-tíng
等怹彼工攏落去
tán in hit kang lóng lo̍h-khì
菩薩面前
phôo-sat bīn-tsîng
佮伊講予明
kah i kóng hōo bîng
↓↓(口白)---(口白)↓↓
我真感謝
guá tsin kám-siā
政府共你明殺
tsìng-hú kā lí bîng-sat
若是暗殺
nā-sī àm-sat
我就揣你無
guá tiō tshuē lí bô
你無做毋著任何的代誌
lí bô tsò m̄-tio̍h jīm-hô ê tāi-tsì
我共你沐著血的衫
guá kā lí bak-tio̍h hueh ê sann
翕相矣
hip-siòng--ah
公義若毋來
kong-gī nā m̄-lâi
我就共相片
guá tiō kā siòng-phìnn
提出來予全世界知
the̍h tshut-lâi hōo tsuân sè-kài tsai
↑↑(口白)---(口白)↑↑
拜請拜請
pài-tshiánn pài-tshiánn
拜請陳澄波
pài-tshiánn Tân Tîng-pho
拜請拜請
pài-tshiánn pài-tshiánn
拜請蔡鐵城
pài-tshiánn Tshuà Thih-sîng
拜請拜請
pài-tshiánn pài-tshiánn
拜請盧鈵欽
pài-tshiánn Lôo Píng-khim
拜請拜請拜請
pài-tshiánn pài-tshiánn pài-tshiánn
退駕
thè-kà
↓↓(口白)---(口白)---(口白)↓↓
拜請盧鈵欽
pài-tshiánn Lôo Píng-khim
我毋是古早彼款
guá m̄-sī kóo-tsá hit khuán
苦情的查某人
khóo-tsîng ê tsa-bóo-lâng
你胸坎前的批
lí hing-khám tsîng ê phe
我有看矣
guá ū khuànn--ah
喪葬費用三千箍
song-tsòng huì-iōng sann-tshing khoo
我已經還矣
guá í-king hâinn--ah
你著萬事放下
lí tio̍h bān-sū pàng-hā
厝內的大大細細
tshù-lāi ê tuā-tuā-sè-sè
現此時攏平安平靜
hiān-tshú-sî lóng pîng-an pîng-tsīng
我想無呢
guá siūnn-bô--neh
咱愛當時
lán ài tang-sî
才毋免驚
tsiah m̄-bián kiann
死佇機關銃口
sí tī ki-kuan-tshìng kháu
阿欽仔
A-khim-á
三牲四果
sam-sing sù-kó
著來鑒納
tio̍h lâi kàm-la̍p
一路平安
tsi̍t-lōo pîng-an
↑↑(口白)---(口白)---(口白)↑↑
＝＝＝＝＝＝
先生娘佇咧大廳門口拜拜
sian-sinn-niû tī-leh tuā-thiann mn̂g-kháu pài-pài
伊已經老矣
i í-king lāu--ah
頭鬃親像雞卵花
thâu-tsang tshin-tshiūnn ke-nn̄g-hue
毋過看起來
m̄-koh khuànn--khí-lâi
猶原真媠
iu-guân tsin suí
我一入來
guá tsi̍t ji̍p-lâi
先生娘就認出我
sian-sinn-niû tō jīn-tshut guá
講我已經遐大漢
kóng guá í-king hiah tuā-hàn
伊攏無機會去揣我看我
i lóng bô ki-huē khì tshuē guá khuànn guá
毋知按怎
m̄-tsai án-tsuánn
我目屎攏流出來
guá ba̍k-sái lóng lâu--tshut-lâi
我明明已經是
guá bîng-bîng í-king sī
五十幾歲
gōo-tsa̍p-kuí huè
強欲六十的婦女
kiōng-beh la̍k-tsa̍p ê hū-lú
佇秀媚先生娘看起來
tī Siù-bī sian-sinn-niû khuànn--khí-lâi
若親像少女
ná-tshin-tshiūnn siàu-lú
秀媚先生娘講
Siù-bī sian-sinn-niû kóng
盧醫師離開幾若冬了後
Lôo-i-su lī-khui kuí-nā tang liáu-āu
阿妹仔就綴怹阿爸去矣
A-muē--á tō tuè in a-pah khì--ah
阿妹仔佮怹阿爸上好
A-muē--á kah in a-pah siōng-hó
阿欽上疼伊
A-khim siōng thiànn i
怹一定佇另外一个世界
in it-tīng tī līng-guā tsi̍t-ê sè-kài
快樂生活
khuài-lo̍k sing-ua̍h
伊閣講：
i koh kóng
前幾個月
tsîng kuí kò-gue̍h
我有看著阿欽轉來
guá ū khuànn-tio̍h A-khim tńg--lâi
伊牽著阿妹仔
i khan-tio̍h A-muē--á
我想欲牽伊的手
guá siūnn-beh khan i ê tshiú
隨綴怹行
suî-tuè in kiânn
但是毋知是按怎
tān-sī m̄-tsai sī-án-tsuánn
我感覺我一定愛轉來
guá kám-kak guá it-tīng ài tńg--lâi
轉來這間厝看覓
tńg-lâi tsit king tshù khuànn-māi
也毋知欲看啥
iā m̄-tsai beh khuànn siánn
想袂到
siūnn bē-kàu
等著你
tán-tio̍h lí
你敢有看阿欽都咧門口
lí kám ū khuànn A-khim to teh mn̂g-kháu
清清氣氣
tshing-tshing-khì-khì
身軀勇健
sin-khu ióng-kiānn
面肉少年
bīn-bah siàu-liân
哎喲!真正緣投
aih-iō! tsin-tsiànn iân-tâu
閣目一𥍉
koh ba̍k tsi̍t-nih
秀媚先生娘
Siù-bī sian-sinn-niû
已經行去盧醫師身邊
í-king kiânn khì Lôo-i-su sin-pinn
伊變做少女時的模樣
i piàn-tsò siàu-lú sî ê bôo-iūnn
皮膚滑溜
phuê-hu ku̍t-liu
頭鬃反烏
thâu-tsang huán-oo
插一蕊雞卵花
tshap tsi̍t-luí ke-nn̄g-hue
牽手和盧醫師
khan-tshiú hām Lôo-i-su
行出醫生館
kiânn-tshut i-sing-kuán
- 感謝 W.B. Chen 修正歌詞
- 友站連結： W.B. Chen
|
