- 專輯介紹
- 歌詞
- 專輯列表
游怡婷
-
一首無聊个歌
作詞：陳弘洋
作曲：游怡婷
這係一首無聊个歌
寫了正試著當孤盲
毋知愛寫分麼儕聽
價值乜無幾多
這係一首無聊个歌
從這頭寫到該頭
若係無人愛聽
厓還係愛繼續
繼續寫 繼續唱 唱分厓自家聽
厓愛唱 快樂个 痛苦个 傷心个 無聊个 全係厓个人生
厓愛講 衰過个 生趣个 儘採个 煞猛个 全係厓个命運
這係一首無聊个歌
聽了怕係乜無人會安惱
假使恁樣乜無關係 厓還係會繼續
繼續寫 繼續唱 唱厓無法度整理个頭腦
摎當多講毋出嘴个煩勞
無講麼个愛情个難 乜無麼个生活个悿
更多更詳盡歌詞 在 ※ Mojim.com 魔鏡歌詞網
詞乜無寫到當靚 乜毋像情歌恁樣甜甜
這就係一首無聊个歌 厓就係一个毋重要个人
斯像過時个月曆 毋係金金个天河
到這下還係毋知麼儕愛聽
毋過厓知
最少厓做得摎講毋出嘴个話
全部唱分大自家聽
厓愛唱
失望个 艱苦个 慍悴个 委屈个 厓全愛唱
厓愛講
摝死人个 毋盼得个 暢摸摸个 惜入心个 厓全愛講
這係一首無聊个歌 厓知 毋會有人重視厓愛仰般想 厓知
歌唱到這片還係
浪費大自家个時間
正經敗勢
厓毋係一个有想法个後生人
厓續來還係會一直努力
摎這首無聊个歌唱啊唱下去
-
|
