- 歌詞
- 專輯列表
- 歌手介紹
下地イサム
-
3%
作詞：下地勇
作曲：下地勇
大概(たいがい)ぬ人(ぴすとぅ)や 生きでぃうー事(くとぅ)う
ぷからすてぃ思(うむ)い
明日(あつぁ)ん繋(つな)ぎいかでぃてぃどぅ考いうー
3％ぬ人(ぴすとぅ)ぬどぅ己(どぅー)や何(のー)ぬ為(たみ)んが
生きでぃーうーがーてぃ
頭(かなます゜)う傾(かたふ)かしうー
大概(たいがい)ぬ人(ぴすとぅ)や
やまかさぬ人(ぴすとぅ)からぬ恩義(うんぎ゜)う感じ
うるう返(かい)さでぃてぃどぅ思(うむ)いうー
3％ぬ人(ぴすとぅ)ぬどぅ 返(かい)しふぃーす
恩義(うんぎﾟ)う計算(さんみん)なしー
人(ぴすとぅ)んかい被(かっ)う゜ぁしうー
3％ゆ 君(ううﾞぁ) のーばし思(うむ)う?
oh! あんしぬむぬな?
あらだか まさーがん頭(かなます)う 抱(かか)いしみすﾟむぬな?
大概(たいがい)ぬ人(ぴすとぅ)や毎日(まいにつ)ぴにつ汗(あし)ゆ流し
己(どぅー)し働(ぱたら)きーどぅ生きﾟでぃーうー
3％ぬ人(ぴすとぅ)ぬどぅ
働(ぱたら)かれす゜身体(どぅー)ゆ持(む)ちゅうてぃ
童子(わらびふふぁ)んだかり親(うや)ぬ銭(じん)しどぅ食(ふぁ)いうー
大概(たいがい)ぬ人(ぴすとぅ)や
君(ううﾞぁ)んかい手(てぃー)ゆ伸(ん)ばし
君(ううﾞぁ)が事(くとぅ)う望(ぬず)まばまいじょうぶんてぃ
どぅ思(うむ)いうー
3％ぬ人(ぴすとぅ)どぅ 君(ううﾞぁ)が事(くとぅ)う
妬(にた)ぎなりザニフキてぃどぅ思(うむ)いうー
3％ゆ 君(ううﾞぁ) のーばし思(うむ)う?
oh! いきゃらふたーな?
あらだか まさーがん 君(ううﾞぁ)が心(ぎむ)う痛(や)みしみすﾟむぬな?
大概(たいがい)ぬ人(ぴすとぅ)や働(ぱたら)かばん働(ぱたら)かばん
富豪(うやき)から無視(みっふぁ)されーどぅうーてぃ思(うむ)いうー
3％ぬ人(ぴすとぅ)ぬどぅ他人(ぴすとぅ)ぬむてぃまい余りから持(む)ちー
更多更詳盡歌詞 在 ※ Mojim.com 魔鏡歌詞網
大富豪(うやき)んどぅなりうー
大概(たいがい)ぬ人(ぴすとぅ)や
己(どぅー)し決みらいん人生(んつ)ん心病(き゜むや)み
あまなーすﾟ世(ゆー)う望(ぬず)みーどぅうー
3％ぬ人(ぴすとぅ)ぬどぅ ういとぉー縛(すま)り
勝手(かってぃ)ゆ許さーまてぃどぅ目(みー)や光(ぴすか)りーうー
3％ゆ 君(ううﾞぁ) のーばし思(うむ)う?
oh! あんしぬむぬな?
あらだか 歪(ゆが)みーうー世(ゆー)う
いぴっつぁやらばん 考いみーでぃな?
大概(たいがい)ぬ人(ぴすとぅ)や神(かん)む信じ
抱(かふた)きがまーしー助きふぃーさまちてぃどぅ願(にが)いうー
3％ぬ人(ぴすとぅ)ぬどぅ己(どぅー)が外(ぷか)や何(のー)ゆまい
信じたっふぁにゃーんてぃどぅ思(うむ)いうー
大概(たいがい)ぬ人(ぴすとぅ)や大世(うぷゆー)ぬ和合ゆ
心(ぎむ)ぬ底(すく)から願(にが)いがましどぅうー
3％ぬ人(ぴすとぅ)ぬどぅ
誰(とー)がらとぅいつまい喧嘩(おおみゃー)ゆしーっでぃどぅ
きぎー回(まあ)りゅう
3％ゆ 君(ううﾞぁ) のーばし思う?
oh! いきゃらふたーな?
あらだか 何(なう)がらあすだかならんてぃ 考いしみすﾟ事(くとぅ)な?
3％や 心配(しゅわー)にゃーんな?
3％や いきゃらふたーな?
3％や 何(のー)まいあらんな?
3％ゆ 無視(みっふぁ)しうらでぃな?
3％や 見いん振(ふすﾟ)さﾟしーらいんな?
3％ゆ 許さーまな?
3％んかい 立ち向かいいかでぃな?
3％とぅ まーつきうらでぃな?
3％ゆ 君(ううﾞぁ) のーばし思う?
3％ゆ 君(ううﾞぁ) のーばし思う?
-
|
