- 歌詞
- 專輯列表
流氓樂團
-
醉生夢死
作詞:阿德 作曲:阿德
無望的日子 越過是越空虛 半暝在夢中驚醒 不知是活惦叨位 啊 抹喘氣 悶甲強欲死 苦悶的煙枝 一枝擱一枝 吸不完苦澀滋味 吐不煞滿腹怨氣 啊 吸一口 燻甲目屎滴 想我青春少年時 死也不驚的勇氣 冷風酸雨 啊 算是什麼 無情的現實 越擔是越不起 雄雄來抬頭照鏡 認不出是我自己 啊 是心虛 不敢看不起 日頭落又起 一日挨過一日 真不甘時間消逝 又不願一秒清醒 啊 起麻痺 拿酒做知己 看我青春漸老時 欲賭生命沒本錢 昏昏 沉沉 啊 醉生夢死 麥擱回頭 想 不再的過去 麥擱回頭 看 不清的記憶 麥擱回頭 麥擱回頭 醉生夢死 醉生夢死 醉生夢死…
------------------------------------------
6577/《醉生夢死》Tsuì-sing Bāng-sí 鱸鰻阿德Lôo-muâ A-tik(黃永德 N̂g Íng-tik)
無望的日子 bô-bāng ê ji̍t-tsí 愈過是愈空虛 jú kuè sī jú khang-hi 半暝佇夢中驚醒 puànn-mî tī bāng-tiong kiann--tshínn 毋知是活踮佗位 m̄-tsai sī ua̍h tiàm tó-uī 啊~袂喘氣 ah~ buē tshuán-khuì 翕甲強欲死 hip kah kiōng-beh sí
苦悶的薰枝 khóo-būn ê hun-ki 一枝閣紲一枝 tsi̍t-ki koh suà tsi̍t-ki 欶袂完 suh buē-uân 苦澀滋味 khóo-siap tsu-bī 吐袂煞 thòo buē-suah 滿腹怨氣 muá-pak uàn-khì 啊~欶一喙 ah~ suh tsi̍t-tshuì 薰甲目屎滴 hun kah ba̍k-sái tih
想我青春少年時 siūnn guá tshing-tshun siàu-liân-sî 死也毋驚的勇氣 sí iā m̄-kiann ê ióng-khì 冷風酸雨 líng-hong sng-hōo 啊~是算啥物 更多更詳盡歌詞 在 ※ Mojim.com 魔鏡歌詞網 ah~ sī sǹg siánn-mih
無情的現實 bô-tsîng ê hiān-si̍t 愈擔是愈袂起 jú tann sī jú buē-khí 雄雄來攑頭照鏡 hiông-hiông lâi gia̍h-thâu tsiò-kiànn 認袂出來是我家己 jīn buē-tshut-lâi sī guá ka-kī 啊~是心虛 ah~ sī sim-hi 毋敢看袂起 m̄-kánn khuànn-buē-khí
日頭落又起 ji̍t-thâu lo̍h iū khí 一日挨過一日 tsi̍t-ji̍t ai kuè tsi̍t-ji̍t 真毋甘時間消失 tsin m̄-kam sî-kan siau-sit 又毋願一秒清醒 iū m̄-guān tsi̍t-bió tshing-tshínn 啊~心麻痺 ah~ sim bâ-pì 提酒做知己 the̍h tsiú tsuè ti-kí
看我青春漸老時 khuànn guá tshing-tshun tsiām ló sî 欲賭生死無本錢 beh tóo sinn-sí bô pún-tsînn 昏昏沉沉 hun-hun tîm-tîm 啊~醉生夢死 ah~ tsuì-sing bāng-sí
莫閣回頭 mài koh huê-thâu 想不再的過去 siūnn put-tsài ê kuè-khì 莫閣回頭 mài koh huê-thâu 看袂清的記持 khuànn buē-tshing ê kì-tî 莫閣回頭 mài koh huê-thâu 莫閣回頭 mài koh huê-thâu 醉生夢死 tsuì-sing bāng-sí 醉生夢死 tsuì-sing bāng-sí 醉生夢死 tsuì-sing bāng-sí
- 感謝 W.B. Chen 修正歌詞
- 友站連結: W.B. Chen
|