- 专辑介绍
- 歌词
- 专辑列表
- 歌手介绍
榕帮
-
恨
作词:詹士贤、李家昀 作曲:詹士贤、李家昀、洪一峰
龙角吹来 第啊第一声囉
我这马才到 是按怎逐家拢咧哭 我的年岁犹未老 这世人犹阁耍无够 看着阿爸阿母阿兄 逐家吼甲遮艰苦 红头法师就徛伫遐 希望家属莫阁烦恼 尪姨啊 手彼支是啥 敢是蔫予我的? 遮大卷 边仔小旦今仔日穿甲媠当当 转来宝岛随予人办丧礼 牵亡斗闹热 想欲转去 爱倒头行路关 像尪姨倒退 献钱来 烧纸来 烧钱献纸买路来 献钱来 烧纸来 烧钱献纸买路来
亲情 友情 爱情 到底佗一项卡重要 金钱 梦想 理想 到底佗一项卡重要 影响 权力 努力 到底佗一项卡重要 我恨你 我恨你 到底啥物叫做重要
倚伫望乡台边 看着爸爸妈妈阿姐 毋甘愿我的人生 就到遮为止 乌乌的双手捀著龙关井的水 共啉落还阳倒退倒退拜请五营神兵 龙角共吹落 土地公啊你佮目连开讲煞啊未 观音大士啊 感谢你予我伫六角亭内QK啊 欲来走 欲来走 迒过破钱闪过铜蛇铁狗 犹未有孝序大哪有可能予怹来吼 行你就行过囉 阎王 另工才来揣你囉
枉死城内哀怨声 岁寿未该这马欲来行 亡魂溪水青优优 指甲目睭洗了欲来溜 黑土路上黑分分 王春啊歹势我袂认份 万里沙波路接人世间 一声喝落随破棺而出
ちょっと待って 欸 各位是啥物面色 红头法师面反青 阿母你嘛无血色 成功转来世间 阮总算反转生死 煞予当做欺神骗鬼眼前是无人相认 咱拢捌予人欺负 听怹讲怹的历史 袂当讲咱的语言 传承著岛屿的故事 万刀碎割 这怨恨敢放的煞 毋过我知影 我嘛知影 你也是殖民的受害者 其实咱无遐无仝 拢期待稳定的生活 逐暗欲困的进前 希望明仔载嘛叫仝款的名 身躯满伤痕 是百年来对家己的生份 请你莫用彼款眼神看待我的身份
花园市内的花味仔芳 欲蔫去的花欉 犹原阁寄著咱的向望 头前的路途有偌无仝 激气无所在藏 满腹怨戚拢揣无人讲
是按怎我会感觉龌龊 无人会了解我 敢是因为我伤过直接 那按呢这马伫遮看破 接受我的运命 是一个无完整的人 是按怎我会感觉龌龊 无人会了解我 敢是因为我伤过直接 那按呢这马伫遮看破 接受我的运命 是一个无完整的人
------------------------------------------
22658/《恨》Hūn 榕帮乐团Iông-pang Ga̍k-thuân
龙角吹来 lîng-kak tshue-lâi 第啊第一声囉 tē--ah tē-it siann--loh -
我这马才到 guá tsit-má tsiah kàu 是按怎逐家拢咧哭 sī-án-tsuánn ta̍k-ke lóng teh khàu 我的年岁犹未老 guá ê nî-huè iáu-bē lāu 这世人犹阁耍无够 tsit-sì-lâng iáu-koh sńg bô-kàu 看着阿爸阿母阿兄 khuànn-tio̍h a-pa a-bú a-hiann 逐家吼甲遮艰苦 ta̍k-ke háu kah tsiah kan-khóo 红头法师就徛伫遐 âng-thâu huat-su tō khiā tī hia 希望家属莫阁烦恼 hi-bāng ka-sio̍k mài koh huân-ló
尪姨仔 ang-î-á 手彼支是啥 tshiú hit ki sī siánn 敢是撚予我的 kám-sī lián hōo guá ê 遮大卷 tsiah tuā kńg 边仔小旦 pinn--á sió-tuànn 今仔穿甲媠当当 kin-á tshīng kah suí-tang-tang
转来宝岛 tńg-lâi pó-tó 随予人办丧礼 suî hōo-lâng pān song-lé 牵亡斗闹热 khan-bông tàu-lāu-jia̍t 想欲转去 siūnn-beh tńg--khì 爱倒头行路关 ài tò-thâu-kiânn lōo-kuan 像尪姨倒退 tshiūnn ang-î tò-thè
献钱来 hiàn-tsînn lâi 烧纸来 sio-tsuá lâi 烧钱献纸买路来 sio-tsînn hiàn-tsuá bé-lōo lâi 献钱来 hiàn-tsînn lâi 烧纸来 sio-tsuá lâi 烧钱献纸买路来 sio-tsînn hiàn-tsuá bé-lōo lâi
亲情友情爱情 tshin-tsîng iú-tsîng ài-tsîng 到底佗一项较重要 tàu-té tó tsi̍t-hāng khah tiōng-iàu 金钱梦想理想 kim-tsînn bāng-sióng lí-sióng 到底佗一项较重要 tàu-té tó tsi̍t-hāng khah tiōng-iàu 影响权力努力 íng-hióng khuân-li̍k lóo-li̍k 到底佗一项较重要 tàu-té tó tsi̍t-hāng khah tiōng-iàu 我恨你 guá hūn lí 我恨你 guá hūn lí 到底啥物叫做重要 tàu-té siánn-mih kiò-tsuè tiōng-iàu
向倚伫望乡台边 ǹg uá tī bāng-hiong-tâi pinn 看着爸爸妈妈阿姊 khuànn-tio̍h pa-pa ma-ma a-tsí 毋甘愿我的人生 m̄ kam-guān guá ê jîn-sing 就到遮为止 tiō kàu tsia uî-tsí 更多更详尽歌词 在 ※ Mojim.com 魔镜歌词网 乌乌的双手 oo-oo ê siang-tshiú 捀著龙关井的水 phâng tio̍h Liông-kuan-tsínn ê tsuí 共啉落还阳 kā lim--lueh huân-iông 倒退倒退 tò-thèr tò-thèr 拜请五营神兵 pài tshiánn ngóo-iânn sîn-ping
龙角共吹落 lîng-kak kā tshue--lueh 土地公啊 Thóo-tī-kong--ah 你佮目连开讲 lí kah Bo̍k-liân khai-káng 煞矣无 suah--ah bô 观音大士啊 Kuan-im-tāi-sū--ah 感谢你予我 kám-siā lí hōo guá 伫六角亭内休憩啊 tī la̍k-kak-tîng lāi kyūkē--ah
欲来走 beh lâi tsáu 欲来走 beh lâi tsáu 迒过破钱 hānn kuè phuà-tsînn 闪过铜蛇铁狗 siám kuè tâng-tsuâ thih-káu 犹未有孝序大 iáu-buē iú-hàu sī-tuā 哪有可能予怹来吼 ná-ū khó-lîng hōo in lâi háu
行你就行过桥囉 kiânn lí tiō kiânn kuè-kiô--loh 阎王 Giâm-ông 阁另工才来揣你囉 koh līng-kang tsiah lâi tshēr lí--loh 枉死城内哀怨声 Óng-sí-siânn lāi ai-uàn siann 岁寿未该这马欲来行 huè-siū buē-kai tsit-má beh lâi kiânn 亡魂溪水青釉釉 bông-hûn khe-tsuí tshinn iu-iu 指甲目睭洗了欲来溜 tsíng-kah ba̍k-tsiu sé-liáu beh lâi liu 乌涂路上乌分分 oo-thôo-lōo siōng oo hun-hun 王春仔 Ông-tshun-á 歹势我袂认份 pháinn-sè guá bē jīn-hūn 万里沙波路接人世间 bān-lí sua-pho-lōo tsiap jîn-sè-kan 一声喝落 tsi̍t-siann huah--lueh 随破棺而出 suî phuà kuan jî tshut
一寸待って chotto matte 欸!各位是啥物面色 eh! koh-uī sī siánn-mih bīn-sik 红头法师面反青 âng-thâu huat-su bīn huán-tshinn 阿母你嘛无血色 a-bú lí mā bô hueh-sik 成功转来世间 sîng-kong tńg-lâi sè-kan 阮总算反转生死 gún tsóng-sǹg huán-tsuán senn-sí 煞予当做欺神骗鬼 suah hōo tòng-tsò khi sîn phiàn kuí 眼前是无人相认 gán-tsiân sī bô-lâng sio-jīn
咱拢捌予人欺负 lán lóng bat hōo-lâng khi-hū 听怹讲怹的历史 thiann in kóng in ê li̍k-sú 袂当讲咱的语言 buē-tàng kóng lán ê gí-giân 传承著岛屿的故事 thuân-sîng tio̍h tó-sū ê kòo-sū 万刀碎割 bān-to suì-kuah 这怨恨 tse uàn-hūn 敢放会煞 kám pàng ē suah
毋过我知影 m̄-koh guá tsai-iánn 我嘛知影 guá mā tsai-iánn 你也是殖民的受害者 lí iā-sī si̍t-bîn ê siū-hāi-tsiá 其实咱无遐无仝 kî-si̍t lán bô hiah bô-kāng 拢期待稳定的生活 lóng kî-thāi ún-tīng ê sing-ua̍h 逐暗欲困的进前 ta̍k-àm beh khùn ê tsìn-tsîng 希望明仔载 hi-bāng mia̋-tsài 嘛叫仝款的名 mā kiò kāng-khuán ê miâ 身躯满伤痕 sin-khu muá siong-hûn 是百年来 sī pah-nî lâi 对家己的生份 tuì ka-kī ê tshinn-hūn 请你莫用彼款眼神 tshiánn lí mài iōng hit khuán gán-sîn 看待我的身份 khuànn-thāi guá ê sin-hūn
花园市内的花味仔芳 hue-hn̂g-tshī lāi ê hue-bī-á phang 欲蔫去的花欉 bueh lian--khì ê hue-tsâng 犹原阁寄著咱的向望 iu-guân koh kià tio̍h lán ê ǹg-bāng 头前的路途有偌无仝 thâu-tsîng ê lōo-tôo ū guā bô-kāng 激气无所在藏 kik-khuì bô sóo-tsāi tshàng 满腹怨戚 muá-pak uàn-tsheh 拢揣无人讲 lóng tshēr-bô lâng kóng
是按怎 sī-án-tsuánn 我会感觉龌龊 guá ē kám-kak ak-tsak 无人会了解我 bô-lâng ē liáu-kái guá 敢是因为 kánn-sī in-uī 我伤过直接 guá siunn-kuè ti̍t-tsiap 若按呢 nā án-ne 这马伫遮看破 tsit-má tī tsia khuànn-phuà 接受我的运命 tsiap-siū guá ê ūn-miā 是一个无完整的人 sī tsi̍t-ê bô uân-tsíng ê lâng
------ 来 lâi 封钉 hong-ting 一点东方甲乙木 it tiám tang-hong kah-it bo̍k 囝孙代代受福禄 kiánn-sun tāi-tāi siū hok-lo̍k 有喔 ū--ooh
二点南方丙丁火 jī tiám lâm-hong piánn-ting hónn 囝孙代代发家伙 kiánn-sun tāi-tāi huat ke-hué 有喔 ū--ooh
三点西方庚辛金 sam tiám se-hong king-sin kim 囝孙代代富万金 kiánn-sun tāi-tāi hù bān-kim 有喔 ū--ooh
四点北方壬癸水 sì tiám pak-hong jîm-kuí tsuí 囝孙代代大富贵 kiánn-sun tāi-tāi tuā hù-kuì 有喔 ū--ooh
五点中央戊己土 ngóo tiám tiong-iong bōo-kí thóo 囝孙代代寿元如彭祖 kiánn-sun tāi-tāi siū-guân jû Phînn-tsóo
- 感谢 W.B. Chen 修正歌词
- 友站连结: W.B. Chen
|