魔鏡歌詞網
魔鏡歌詞網 > 團體歌手 > 農村武裝青年 > 根 Kin > 揣啊揣(Rap 版)

農村武裝青年



專輯介紹
歌詞
專輯列表

農村武裝青年

揣啊揣(Rap 版)

作詞:江育達、阿雞
作曲:江育達、阿雞
編曲:小人

天空 海洋 山嶺 河流 田園 老樹 古厝 祖先ê智慧
天空 海洋 山嶺 河流 田園 老樹 古厝 祖先ê智慧

濛濛ê天空 烏烏ê海洋
變形ê山嶺 染濁ê河流
填砂ê田園 鋸掉ê老樹
拆掉ê古厝 破壞無顧慮
是按怎 進步伊tiām-tiām犧牲
祖先智慧文明 漸漸消失 人民茫茫慣勢
為怎樣鹹鹹ê目屎 滴tī破碎 無煞停ê火
燒掉定冊ê古蹟
財團利益手段 (救命啊)
Huah kah大聲求政府也無聽
訴求ê白布條仔 表面接受調查
背後計畫刀仔 現實tng-teh liô你ê肉
海鳥仔 飛入烏煙無leh轉--來
台中ê空氣beh䆀到啥mih境界
台西漸漸破病ê一个一个民眾
不過你啊 選擇留tī故鄉

思啊想啊起~走揣gún祖先仔lán ê記持
思啊想啊起~囝孫仔lán ê跤步 是beh行tuì佗位去ooh
思啊想啊起~揣啊揣 揣lóng無 揣無轉--去ê路tī佗位

地方變化 四界ing-ia tsit-má囡仔
幌韆鞦lóng掛喙掩 煩惱污染影響一世人
政府隱瞞目睭用手閘--起-來--ah
也對民眾閘--起-來--ah
配合財團關心地皮炒--起-來--ah
啥mih市場 立場完全走啊樣
拆掉烏面抐桮ê岫為著開條便路
使人感冒 面對為著反對反對ê人
為著心中想beh完成ê夢 守護水底海翁
Kám ē記--得 工場廢水排放溪水流
樹仔鋸掉 山頂ê塗piànn uì庄仔頭
都市開發徵收草地後代揣無厝地來傳家
無情ê風吹啊吹啊吹熄公媽廳ê火
為著囝兒序細 為著出世土地
為著祖先留--落-來ê文化 為著台灣更加美麗
為著影響你去影響伊 鬥陣關心做伙證明
對抗不公不義 為著土地正義

思啊想啊起~走揣gún祖先仔lán ê記憶
思啊想啊起~囝孫仔lán ê跤步 是beh行tuì佗位去ooh
思啊想啊起~有請祖先仔你著愛來保庇ooh

保庇囝孫雙跤徛tī家己溫暖ê家園啊
有家己ê身軀 家己ê思想 家己ê文化kap語言
有家己ê生活 家己ê主張 家己ê尊嚴家己ê土地
家己ê土地 家己ê土地

還lán一片清氣ê天空kap空氣
還lán祖先留--落-來ê文明kap智慧
抗議官官相護財團kap政治
守護一步一跤印ê土地正義



------------------------------------------




1575/《揣啊揣》Tshuē--ah Tshuē
阿雞 A-ke
阿達 A-ta̍t (農村武裝青年Lông-tshuan Bú-tsong Tshing-liân)

↓-----(口白)-----↓
揣無轉去的路
tshuē-bô tńg--khì ê lōo
揣無藍色的天空
tshuē-bô nâ-sik ê thian-khong
揣無清氣的海水
tshuē-bô tshing-khì ê hái-tsuí
揣無人對土地的正義
tshuē-bô lâng tuì thóo-tē ê tsìng-gī
揣無人情味
tshuē-bô jîn-tsîng-bī
揣無祖先的智慧佮先天文明
tshuē-bô tsóo-sian ê tì-huī kah sian-thian bûn-bîng
揣無臺灣佇心中的位置
tshuē-bô Tâi-uân tī sim-tiong ê uī-tì
揣啊揣
tshuē--ah tshuē
↑-----(口白)-----↑

天空
thian-khong
海洋
hái-iûnn
山嶺
suann-niá
河流
hô-liû
田園
tshân-hn̂g
老樹
lāu-tshiū
古厝
kóo-tshù
祖先仔的智慧
tsóo-sian-á ê tì-huī

天空
thian-khong
海洋
hái-iûnn
山嶺
suann-niá
河流
hô-liû
田園
tshân-hn̂g
老樹
lāu-tshiū
古厝
kóo-tshù
祖先仔的智慧
tsóo-sian-á ê tì-huī

↓↓(RAP)---(RAP)---(RAP)↓↓
濛濛的天空
bông-bông ê thian-khong
烏烏的海洋
oo-oo ê hái-iûnn
變形的山嶺
piàn-hîng ê suann-niá
泥濁的河流
nî-lô ê hô-liû
填砂的田園
thiām-sua ê tshân-hn̂g
鋸掉的老樹
kù-tiāu ê lāu-tshiū
拆掉的古厝
thiah-tiāu ê kóo-tshù
破壞無顧慮
phò-huāi bô kòo-lū

是按怎
sī-án-tsuánn
進步伊恬恬犧牲
tsìn-pōo i tiām-tiām hi-sing
祖先智慧文明
tsóo-sian tì-huī bûn-bîng
漸漸消失
tsiām-tsiām siau-sit
人民茫茫慣勢
jîn-bîn bâng-bâng kuàn-sì

為怎樣鹹鹹的目屎
uī-tsuánn-iūnn kiâm-kiâm ê ba̍k-sái
滴佇破碎
tih tī phuà-tshuì
無煞停的火
bô suah-thîng ê hué
燒掉定冊的古蹟(?)

財團利益手段 (救命啊)
tsâi-thuân lī-ik tshiú-tuānn (kiù-miā--ah)
喝較大聲求政府也無聽
huah khah tuā-siann kiû tsìng-hú iā bô thiann
訴求的白布條仔
sòo-kiû ê pe̍h-pòo-tiâu-á
表面接受調查
piáu-bīn tsiap-siū tiau-tsa
背後計畫刀仔
puē-āu kè-uē to-á
現實當咧𠞭你的肉
hiān-si̍t tng-leh liô lí ê bah

海鳥仔
hái-tsiáu-á
更多更詳盡歌詞 在 ※ Mojim.com 魔鏡歌詞網
飛入烏煙無咧轉來
pue ji̍p oo-ian bô teh tńg--lâi
臺中的空氣
Tâi-tiong ê khong-khì
欲䆀到啥物境界
beh bái kàu siánn-mi̍h kíng-kài
臺西漸漸破病的
Tâi-se tsiām-tsiām phuà-pīnn ê
一个一个民眾
tsi̍t-ê tsi̍t-ê bîn-tsiòng
不過你啊
put-koh lí--ah
選擇留佇故鄉啊
suán-ti̍k lâu tī kòo-hiong--ah
↑↑(RAP)---(RAP)---(RAP)↑↑

思啊雙啊枝
su--ah siang--ah ki
走揣阮祖先仔的記持啊
tsáu-tshuē gún tsóo-sian-á ê kì-tî--ah
思啊雙啊枝
su--ah siang--ah ki
囝孫仔的跤步
kiánn-sun-á ê kha-pōo
是欲行對佗位去喔
sī beh kiânn tuì tó-uī khì-ooh
思啊雙啊枝
su--ah siang--ah ki
揣啊揣
tshuē--ah tshuē
揣攏無
tshuē lóng bô
揣無轉去的路佇佗位
tshuē-bô tńg--khì ê lōo tī tó-uī

↓↓(RAP)---(RAP)---(RAP)↓↓
地方變化
tē-hng piàn-huà
四界坱埃
sì-kè ing-ia
這馬囡仔
tsit-má gín-á
幌韆鞦攏掛喙罨
hàinn-tshian-tshiu lóng kuà tshuì-am
煩惱汙染
huân-ló u-jiám
影響一世人
íng-hióng tsi̍t-sì-lâng

政府隱瞞
tsìng-hú ún-muâ
目睭用手閘起來矣
ba̍k-tsiu iōng tshiú tsa̍h khí-lâi--ah
也對民眾閘起來矣
iā tuì bîn-tsiòng tsa̍h khí-lâi--ah
配合財團關心
phuè-ha̍p tsâi-thuân kuan-sim
地皮炒起來矣
tē-phuê tshá khí-lâi--ah
啥物市場
siánn-mi̍h tshī-tiûnn
立場完全走啊樣
li̍p-tiûnn uân-tsuân tsáu--ah iūnn

拆掉烏面抐桮的厝
thia̍h-tiāu oo-bīn-lā-pue ê tshù
為著開條便路
uī-tio̍h khui tiâu piān-lōo
使人感冒
sú-lâng kám-mōo
面對為著反對反對的人
bīn-tuì uī-tio̍h huán-tuì huán-tuì ê lâng
為著心中想欲完成的夢
uī-tio̍h sim-tiong siūnn-beh uân-sîng ê bāng
守護水底海翁仔
siú-hōo tsuí-té hái-ang-á

敢會記得
kám ē-kì-tit
工廠廢水排放溪水流
kang-tshiúnn huì-tsuí pâi-hòng khe-tsuí lâu
樹仔鋸掉
tshiū-á kù tiāu
山頂的塗
suann-tíng ê thôo
摒對庄仔頭
piànn tuì tsng-á-thâu
都市開發徵收
too-tshī khai-huat ting-siu
草地後代
tsháu-tē āu-tāi
揣無厝地來傳家
tshuē-bô tshù-tē lâi thuân-ke
無情的風
bô-tsîng ê hong
吹啊吹啊
tshue--ah tshue--ah
吹熄公媽廳的火
tshue-sit kong-má-thiann ê hué

為著囝兒序細
uī-tio̍h kiánn-jî sī-sè
為著出世土地
uī-tio̍h tshut-sì thóo-tē
為著祖先留落來的文化
uī-tio̍h tsóo-sian lâu lo̍h-lâi ê bûn-huà
為著臺灣更加美麗
uī-tio̍h Tâi-uân kìng-ka bí-lē
為著影響你去影響伊
uī-tio̍h íng-hióng lí khì íng-hióng i
鬥陣關心做伙證明
tàu-tīn kuan-sim tsò-hué tsìng-bîng
對抗不公不義
tuì-khòng put-kong put-gī
為著土地正義
uī-tio̍h thóo-tē tsìng-gī
↑↑(RAP)---(RAP)---(RAP)↑↑

思啊雙啊枝
su--ah siang--ah ki
走揣阮祖先仔的記持啊
tsáu-tshuē gún tsóo-sian-á ê kì-tî--ah
思啊雙啊枝
su--ah siang--ah ki
囝孫仔的跤步
kiánn-sun-á ê kha-pōo
是欲行對佗位去啊
sī beh kiânn tuì tó-uī khì--ah
思啊雙啊枝
su--ah siang--ah ki
有請祖先仔
iú-tshiánn tsóo-sian-á
你著愛來保庇啊
lí tio̍h-ài lâi pó-pì--ah

保庇囝孫雙跤徛佇
pó-pì kiánn-sun siang-kha khiā tī
家己溫暖的家園
ka-tī un-luán ê ka-hn̂g
有家己的身軀
ū ka-tī ê sin-khu
家己的思想
ka-tī ê su-sióng
家己的文化佮語言
ka-tī ê bûn-huà kah gí-giân
家己的生活
ka-tī ê sing-ua̍h
家己的主張
ka-tī ê tsú-tiunn
家己的尊嚴
ka-tī ê tsun-giâm
家己的土地
ka-tī ê thóo-tē
家己的土地
ka-tī ê thóo-tē
家己的土地
ka-tī ê thóo-tē

還咱一片清氣
hîng lán tsi̍t-phìnn tshing-khì
天空佮空氣
thian-khong kah khong-khì
還咱祖先留來
hîng lán tsóo-sian lâu lâi
文明佮智慧
bûn-bîng kah tì-huī
抗議官官相護
khòng-gī kuan-kuan siong-hōo
財團佮政治
tsâi-thuân kah tsìng-tī
守護一步一跤印的
siú-hōo tsi̍t-pōo tsi̍t-kha-ìn ê
土地正義
thóo-tē tsìng-gī

  1. 感謝 W.B. Chen 修正歌詞
  2. 友站連結: W.B. Chen