- 歌詞
- 專輯列表
- 歌手介紹
郭大誠
-
百果山之戀
作詞：郭大誠
作曲：郭大誠
彼個姑娘惦在百果山，果子園內無人通作伴，行到山崙來唱歌，
遇到我呀剛好遇到我，雙人眼睛金金看 親像電火相打線。
口白:
在桃仔來李仔去的四月初四，我去百果山挽果子，
在椰子樹腳忽然來熟悉妳才知道妳姓楊名桃，
楊桃就是妳的名字，彼當時妳穿一領柑仔色的短裙，
和柳丁色的上衣，兩邊嘴皮像紅柿，眼睛像那龍眼子，
櫻桃嘴蓮霧鼻讓我一見鍾情每日都在懷念妳，
從此我獻給妳的愛情就帶有蘋果檸檬的酸甘味，
也帶有鳳梨西瓜梨仔木瓜和枇杷的綜合果汁的氣味，
我愛妳的堅心是可比芒果子和橄欖子永遠硬梆梆不會軟若去，
我也知道妳真愛吃果子，酸梅棗子一次吃斤二，
那香蕉一次都吃歸脾，假使妳若看我有甲意，
我絕對果子欲來種種歸厝邊，無論是釋枷蕃茄茄子脆柿葡萄荔枝，
保證讓妳吃到歡歡喜喜為止，這樣妳若聽了有甲意，
才請妳寫信和我通知
妳我雙人相逢百果山，請妳答應我來甲妳娶，無論春暖秋葉寒，
來呀來嫁我，來呀來嫁我，我來作田妳作伴，卡好富貴做大官。
------------------------------------------
《百果山之戀》Pah-kó-suann tsi Luân
郭大誠Kueh Tāi-sîng
彼個姑娘踮在半高山
hit ê koo-niû tiàm-tsāi puànn ko-suann
果子園內無人通做伴
kué-tsí-hn̂g lāi bô-lâng thang tsò-phuānn
行到山崙來唱歌
kiânn kàu suann-lūn lâi tshiùnn-kua
拄仔拄著我啊拄仔拄著我
tú-á tú-tio̍h guá--ah tú-á tú-tio̍h guá
雙人目睭金金看
siang-lâng ba̍k-tsiu kim-kim-khuànn
親像電火相拍線
tshin-tshiūnn tiān-hué sio-phah-suànn
↓↓(口白)---(口白)---(口白)↓↓
在桃仔來李仔去的四月初四
tsāi thô-á lâi lí-á khì ê sì-gue̍h tshe-sì
我去百果山挽果子
guá khì Pah-kó-suann bán kué-tsí
在椰子樹跤
tsāi iâ-tsí-tshiū kha
忽然間來熟似你
hut-jiân-kan lâi si̍k-sāi lí
才知影你姓楊名桃
tsiah tsai-iánn lí sìnn Iûnn miâ Thô
楊桃就是你的名字
Iûnn Thô tiō-sī lí ê miâ-jī
彼當時你穿一領
hit-tong-sî lí tshīng tsi̍t-niá
柑仔色的短裙
kam-á-sik ê té-kûn
佮柳丁色的上衣
kah liú-ting-sik ê siōng-i
兩爿喙䫌是敢若紅柿
更多更詳盡歌詞 在 ※ Mojim.com 魔鏡歌詞網
nn̄g-pîng tshuì-phé sī kán-ná âng-khī
目睭閣敢若龍眼子
ba̍k-tsiu koh kán-ná lîng-gíng-tsí
櫻桃喙蓮霧鼻
ing-thô tshuì lián-bū phīnn
予我一見鍾情
hōo guá it-kiàn tsiong-tsîng
每日都咧懷念你
muí-ji̍t to leh huâi-liām lí
自按呢我獻予你的愛情
tsū-án-ne guá hiàn hōo lí ê ài-tsîng
就帶有蘋果佮檸檬的酸甘味
tsiū tuà ū phōng-kó kah lê-bóng ê sng-kam-bī
也帶有王梨西瓜梨仔木瓜
iā tuà ū ông-lâi si-kue lâi-á bo̍k-kue
佮枇杷的綜合果汁的氣味
kah gî-pê ê tsong-ha̍p kó-tsiap ê khì-bī
我愛你的堅心
guá ài lí ê kian-sim
是可比檨仔子佮草橄仔子
sī khó-pí suāinn-á-tsí kah tshò-kan-á-tsí
永遠𠕇硞硞袂軟落去
íng-uán tīng-khong-khong buē nńg--lo̍h-khì
我我也知影你真愛食果子
guá guá iā tsai-iánn lí tsin ài tsia̍h kué-tsí
酸梅仔棗仔一擺食斤二
sng-muî-á tsó-á tsi̍t-pái tsia̍h kin-jī
啊若弓蕉一擺攏食規枇
ah-nā king-tsio tsi̍t-pái lóng tsia̍h kui-pî
假使你若看我有佮意
ká-sú lí nā khuànn guá ū kah-ì
我絕對
guá tsua̍t-tuì
果子欲來種種規厝邊
kué-tsí beh lâi tsìng-tsìng kui tshù-pinn
無論是講釋迦柑仔蜜
bô-lūn sī kóng sik-khia kam-á-bi̍t
搖枝脆柿葡萄荔枝
iô-ki tshè-kī pô-tô nāi-tsi
保證予你食甲
pó-tsìng hōo lí tsia̍h kah
歡歡喜喜為止
huann-huann-hí-hí uî-tsí
按呢你若聽了有佮意
án-ne lí nā thiann-liáu ū kah-ì
才請你寫批共我通知
tsiah tshiánn lí siá-phue kā guá thong-ti
↑↑(口白)---(口白)---(口白)↑↑
你我兩人相逢百果山
lí guá nn̄g-lâng siong-hông Pah-kó-suann
請你答應我來共你娶
tshiánn lí tah-ìng guá lâi kā lí tshuā
無論春暖秋葉寒
bô-lūn tshun luán tshiu-hio̍h kuânn
來啊來嫁我啊
lâi--ah lâi kè guá--ah
來啊來嫁我
lâi--ah lâi kè guá
我來做田你做伴
guá lâi tsò-tshân lí tsò-phuānn
較好富貴做大官
khah-hó hù-kuì tsò tūa-kuann
- 感謝 W.B. Chen 修正歌詞
- 友站連結： W.B. Chen
|
